වේගයෙන් ඉදිරියට යමින් පවතින තාක්ෂණයත් සමග නිතර ගැටෙන්නට සිදුවන අපට ටැබ්ලට් පරිගණකයක වටිනාකම කියා නිම කර නොහැකි තරම්. අපි හැමෝටම මුහුණ දෙන්න වෙන ගැටළුවක් තමයි මේ ටැබ්ලට් පරිගණක විශේෂ අතුරින් අපට වඩාත් ගැලපෙන ටැබ්ලට් එකක් තෝරාගන්නේ කොහොමද කියන කාරණාව. ඉතින් අද අපි ඔබට ඉදිරිපත් කරන්න යන්නේ මේ ගැටළුවට පිළිතුරක්.
ටැබ්ලට් පරිගණකයක අවශ්‍යතාව වඩාත් දැනෙන්නේ නිතර ගමන් බිමන් වල යෙදෙන අයට. එයට හේතුව ලැප්ටොප් පරිගණක එහා මෙහා රැගෙන යාම තරමක් දුෂ්කර වීම. ටැබ්ලට් පරිගණක විවිධ ප්‍රමාණවලින් තෝරා ගැනීමට තිබෙනවා. ඔබට රැගෙන යාමට පහසු ටැබ්ලෙට් එකක් මේ අතුරින් තෝරාගැනීම වැදගත්.
ඔබ ටැබ්ලට් පරිගණකය භාවිතා කරන්නේ කුමන කාර්යයක් සඳහා ද?
ඔබගේ ටැබ්ලට් පරිගණකය භාවිතයෙන් ඔබ සිදු කරන කාර්යයන් අනුව ඔබට තෝරා ගැනීම සිදු කිරීම වඩාත් පහසුයි. ඔබ ටැබ්ලට් පරිගණකයක් භාවිතා කරන ශිෂ්‍යයෙක් නම්, ඔබට එය වඩාත් අවශ්‍ය වන්නේ ඔබගේ එදිනෙදා සටහන් තැබීමටත්, අවශ්‍ය විටක voice recording එකක් කිරීමටත්, Google හෝ YouTube වෙත යොමු වී ඔබගේ අධ්‍යයනයන්ට අවශ්‍ය තොරතුරු ලබා ගැනීමටත් විය හැකියි.
මෙවැනි අවස්ථාවකදී ඔබට අඩු විශේෂාංග ප්‍රමාණයක් සහිත සාමාන්‍ය ටැබ්ලට් එකක් ප්‍රමාණවත්. Huawei, Samsung, Greentel වැනි විවිධ සන්නාම වලින් ඔබට රු. 20000ක පමණ මුදලක සිට මෙවැනි ටැබ්ලට් මිලදී ගැනීමේ හැකියාව තිබෙනවා. මීට අමතරව ඔබට වැඩි මුදලක් වෙන් කල හැකි නම් Apple iPad, Samsung galaxy tab වැනි stylus සහ වැඩි විශේෂාංග සමගින් වෙළඳපොලට එන ටැබ්ල්ට් එකක් මිල දී ගත හැකියි.
ටැබ්ලට් පරිගණක දැන් designers අතර ඉතාම ජනප්‍රියයි. Stylus භාවිතා කර ඉතා සූක්ෂ්ම සහ සුමට ලෙස චිත්‍ර ඇඳීම, පාට කිරීම, හැඩ ගැන්වීම වැනි විවිධ කාර්යයන් ටැබ්ලට් ඔස්සේ සිදු කල හැකියි. මේ සඳහා හොඳ display එකක් සහ stylus භාවිතා කිරීමේ හැකියාවක් සහිත, වැඩි කාර්යක්ෂමතාවයකින් යුත් ටැබ්ලට් එකක් තෝරා ගත යුතුයි. වර්තමානයේ Apple iPad Pro සහ Apple iPad Air ටැබ්ලට් මේ සඳහා වඩාත් ප්‍රචලිතයි.
මීට අමතරව ඔබගේ ව්‍යාපාරික කටයුතු සහ විශේෂිත app භාවිතය සඳහා ඔබට ඒ සඳහා උචිත ටැබ්ලට් එකක් තෝරා ගැනීමට පුළුවන්.
මිලදී ගැනීමට පෙර පරීක්ෂා කල යුත්තේ මොනවාද?
ඔබ විසින් ටැබ්ලට් පරිගණකයක් මිලදී ගැනීමට ප්‍රථමයෙන් සෑම විටම එහි තත්ත්වය පරීක්ෂා කල යුතුයි. පාවිච්චි කරන ලද ටැබ්ලට් එකක් නම් එහි display එක, battery health තත්ත්වය වැනි කරුණු පිළිබඳව වඩාත් සූක්ෂ්ම ලෙස පරීක්ෂා කල යුතුයි. අලුතින් මිලදී ගන්නා ටැබ්ලට් එකක් නම් එහි වගකීම් සහතිකය හෙවත් warranty එක කොතරම් කලක් වලංගු වේද යන්න අසා දැනගන්න. Serial Number පරීක්ෂා කරන්න. ටැබ්ලට් පරිගණයකය ඔබ අතට ගෙන එය හරියාකාරව ක්‍රියා කරන්නේද යන්න පරීක්ෂා කරන්න.
ikmanහි පළ කර ඇති දන්වීම් හරහා ඔබ ටැබ්ලට් පරිගණකයක් මිලදී ගන්නේ නම්, ගෙවීම් කිරීමට පෙර ගනුදෙනුකරු හමු වී ටැබ්ලට් පරිගණකය හොඳින් පරීක්ෂා කරන්න. එයින් පසු මුදල් ගෙවීම සිදු කල හැකියි. වඩාත් විශ්වාසදායී ගනුදෙනුකරුවන් හරහා බොහෝවිට doosrstep delivery ඔස්සේ ඔබට නිවසටම මෙම ටැබ්ලට් පරිගණකය ගෙන්වා ගැනීමට පුළුවන්. ඒ පිළිබඳව ද සැලකිලිමත් වන්න.
ikman ඔස්සේ ටැබ්ලට් පරිගණකයක් සෙවීමේ වාසිය කුමක්ද? ඔබට වඩා වැඩි පරාසයක ගනුදෙනුකරුවන් ප්‍රමාණයක් මෙන්ම විවිධ මිල ගණන් ඔස්සේ විවිධ මාදිලි වල ටැබ්ලට් පරිගණක සොයා ගැනීමට පහසු වීමයි. මීට අමතරව විවිධ filters භාවිතයෙන් ඔබ ප්‍රදෙශයේ සහ ඔබට සරිලන මුදලට ටැබ්ලට් එකක් සොයා ගැනීම ඉතා පහසුයි.
ඔබට අවශ්‍ය ඕනෑම ටැබ්ලට් පරිගණකයක් මෙන්ම ඒවාට අවශ්‍ය උපාංග සහ වෙනත් ඉලෙක්ට්‍රොනික උපාංග පහසුවෙන් සොයා ගැනීමට අදම ikman වෙත පිවිසෙන්න.
